Plantun de Prouvènço

Pèr coumpara dos planto d'encò nostre

Ceratophyllum demersum & Daucus carota subsp. maritimus

Courniflo

Ceratophyllum demersum

Ceratophyllaceae

Autre noum : Limoun.

Noms en français : Cornifle nageant, Cératophylle immergé.

Descripcioun :
La courniflo es uno planto d'aigo devengudo coumuno dins d'ùni relarg au nostre. Trachis dins li palun o li roubino ounte l'aigo èi pas trop mouvadisso. A tipicamen un biais en co de reinard. Se recounèis majamen à si fueio verticillado pèr 4 à 10, que dounon d'èr à de corno (courniflo) o de bano s'amès mies. Aquesto planto mostro que l'aigo, richo en minerau (poulucioun agricolo), èi pas trop bono e souvènt pas gaire claro (fotò). Es uno planto interessanto dóu poun de vist filougenetico que sèmblo uno meno primitivo de dicoutiledone.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Grando erbo
Taio : 0,5 à 3 m
Fueio : verticilado
Tipe bioulougico : Idroufite
Cicle bioulougico : Planto renadivo

Gènre : Ceratophyllum
Famiho : Ceratophyllaceae

Ordre : Ceratophyllales

Coulour de la flour : Brunello
Petalo : >6
Ø (o loungour) flour : 3 à 5 mm
Flourido : Printèms - Estiéu

Sòu : ges
Autour basso e auto : 0 à 600 m
Aparado : Noun
Mai à juliet

Liò : Aigo
Estànci : Termoumediterran à Coulinen
Couroulougi : Cousmoupoulito
Ref. sc. : Ceratophyllum demersum L., 1753

Girouio

Daucus carota subsp. maritimus

Apiaceae Umbelliferae

Àutri noum : Pastenargo-fèro, Pastenargo-bastardo, Pastenargo-sóuvajo, Caroto-bastardo, Pastenajo.

Noms en français : Carotte maritime, Carotte sauvage.

Descripcioun :
Aquesto girouio trachis dins li tepiero sablouso en ribo de mar. Se destrìo dóu tipe, la subsp. carota pèr sa taio mai pichoto, emai sis oumbello que soun pas pu grando que 5 cm. La flour dóu cèntre èi pas nimai roujinasso eici e li fueio de la cambo soun primo. Compara adounc emé lis àutri subsp. de pastenargo (çai-souto).

Usanço :
A li mémis usanço que la girouio subsp. carota.

Port : Erbo
Taio : 30 à 40 cm
Fueio : alterno
Tipe bioulougico : Emicriptoufite
Cicle bioulougico : Renadivo mounoucarpico

Gènre : Daucus
Famiho : Apiaceae
Famiho classico : Umbelliferae

Ordre : Apiales

Coulour de la flour : Blanco
Petalo : 5
Ø (o loungour) enflourejado : 3 à 5 cm
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun
Remarco : Planto de coustiero

Liò : Sablo - Mar
Estànci : Termoumediterran à Mesoumediterran
Couroulougi : Estenoumediterrano
Ref. sc. : Daucus carota subsp. maritimus (Lam.) Batt., 1889

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Ceratophyllum demersum & Daucus carota subsp. maritimus

ges

Coumpara Courniflo emé uno autro planto

Coumpara Girouio emé uno autro planto